(Lalin ak Solèy) « LAS », yon mizik ki trè metaforik, sòti sou premye albòm ZAFEM nan, te atire atansyon mizikal melomàn yo depi nan de (2) premye jou albòm nan te parèt. Mizik sa a se yon pwezi mizikal ki fè lwanj kilti lakay nan tout aspè li yo. Avèk yon melodi ki rich ak lyen solid epi tradisyon nou yo. « LAS » se yon kokenchenn temwayaj sou eritaj kiltirèl nou an.

Nan okazyon fèt mizik, ZAFEM deside sòti yon videyo klip pou materyalize mizik « LAS » la, ki se tit omonim albòm lan. Videyo sa a met sou ekran majè tradisyon ki te fè valè grandèt nou yo, montre bèlte ak richès kilti nou an. Li se yon refleksyon fidel de jan nou anbrase kwayans nou yo, koutim nou yo, ak valè ki te pase de jenerasyon an jenerasyon.

Videyo klip « LAS » la pa sèlman yon rekonesans pou tout moun ki travay di pou kenbe kilti nou vivan, men li se tou yon omaj pou tout fanatik, meloman, ak mizisyen ki kontinye fè Konpa dirèk avanse. Se yon prèv vivan de lanmou ak pasyon nou gen pou mizik nou ak fason nou anbrase idantite nou.

Ekip #MakoLove la swete tout Fanatik, Meloman, ak tout Mizisyen yon BÒN FÈT MIZIK.

KONPA DIRÈK DEVAN, KILTI LAKAY ANPREMYE.

Kredi Foto: Zafem