Meet Gala Fashion Up Ayiti, ki se yon aktivite fashion, ki te òganize dimanch 16 jen 2024 nan vil Okap, ki se dezyem vil peyi d Ayiti. Se te youn nan evènman kite make sware a sou plas dam lan. Modèl talan ki soti nan Pòtoprens te lakòz yon sansasyon, e te pote yon nouvo touch ekla ki kaptive zye piblik la.

Plizyè mànken yo te soti nan kapital peyi a ak yon lòt distenksyon, mete aksan sou kreyasyon konseptè ayisyen ak entènasyonal yo. Chak ekip te rakonte yon istwa, ki reflete kilti ak divès reyalite Ayiti. Pèfòmans yo pa sèlman mete aksan sou talan yo men tou, entèlijans ak kreyativite konseptè mòd ayisyen yo gen k ap evolye.

Evènman prestijye sa a te gen pou objektif pou mete an valè mòd ak kilti ayisyen an pi wo pase jan l ye a, e bay yon lòt vizaj pou atis ak konseptè peyi a tou. Sware sa make ak yon atmosfè festivite ak rekonesans mesye dam yo te ekspoze.

Patisipan Pòtoprens yo te fè lwanj anpil, e kèk nan yo pa t kite dlo nan bouch yo pou yo di jan yo santi yo kontan vi n patisipe nan evènman sila. E sa ki konfime plas yo sou sèn alamòd entènasyonal la. Pwofesyonalis yo cham ak rad ki te sou yo te ki te yon enpresyon ki p ap janm efase, yo chak te abiye yon jan diferan, ki fè edisyon sa a Meet Gala Fashion Up vin yon moman inoubliyab pou tout patisipan yo.

Nap raple w dezyem edisyon evènman sa ki fèt Okap apre premye a te fèt Cap Deli yon restoran ki twouve l sou boulva vil Okap.

_{John Clawootson OZERUS}

_{ozjohnclawootson00@gmail.com}